အာဆင်နယ် Vs ချယ်လ်ဆီး (ပရီးမီးယာလိဂ်ပွဲစဉ် – ၆ ) စနေည ( ၆နာရီ ၁၅ မိနစ်)
ပရီးမီးယားလိဂ်မှာ ပွဲကောင်းတွေကတော့ ဆက်တိုက်ပါပဲ။
ထိပ်သီးအသင်းတွေအနေနဲ့ ပွဲဆက်တွေများနေသလို၊ ပွဲကျပ်တွေကစားနေရတဲ့အခြေအနေက
အမှတ်ပေးဇယားဦးဆောင်သူနေရာကိုပါ အပြောင်းအလဲဖြစ်သွားစေနိုင်တဲ့
အချိန်ကာလလို့ ဆိုရမှာပါ။ ဒီတစ်ပတ်မှာပဲ ထိပ်ဆုံးက ချယ်လ်ဆီးအသင်းဟာ
အာဆင်နယ်အသင်းကို အဝေးကွင်းမှာ ရင်ဆိုင်ရတော့မှာပါ။
နောက်ဆုံး(၂)ရာသီဆက် အာဆင်နယ်ကွင်းမှာ အနိုင်မရခဲ့တဲ့ ချယ်လ်ဆီးအတွက်
ဒီပွဲမှာ အမှတ်ပြည့်မယူနိုင်ခဲ့ရင် မန်ယူကလည်း စပါးကိုအနိုင်ရခဲ့ရင်
ပထမနေရာက ဖယ်ပေးလိုက်ရမှာဖြစ်ပါတယ်။ ဒါက ယေဘုယျအခြေအနေပါ။ တကယ်တမ်းအာဆင်နယ်
– ချယ်လ်ဆီးပဲက ဒီထက်ပိုပြီးကျယ်ပြန့်တဲ့အဓိပ္ပာယ်တွေရှိနေပါတယ်။
ဘာကြောင့်လဲဆိုတော့ လန်ဒန်ဒါဘီပွဲ ဖြစ်နေတာကြောင့်ပါ။ ဒါဘီပွဲတွေတိုင်းဟာ
သာမန်ပွဲတွေနဲ့ မတူခြားနားတဲ့ ထူးခြားမှုတွေရှိနေတတ်ပါတယ်။
ချန်ပီယံပြေးလမ်းပေါ်က လန်ဒန်ဒါဘီကတော့ ရင်ခုန်စရာကြောင်းအရာများစွာနဲ့ပါ။
ဘယ်သူ စရှုံးမလဲ
လန်ဒန်မြို့မှာ အခြေစိုက်တည်ထောင်ထားတဲ့ ကလပ်အသင်းများစွာရှိတဲ့
အင်္ဂလန်မှာတော့ လန်ဒန်ဒါဘီပွဲတွေကို အဆက်မပြတ်ဆိုသလို မြင်တွေ့ရလေ့ရှိပါတယ်။
ဒီရာသီ ပရီးမီးယားလိဂ်မှာလည်း လန်ဒန်ကလပ်(၆)သင်းရှိနေတာကြောင့်
လန်ဒန်ဒါဘီပွဲပေါင်း၃၀ မြင်တွေ့ရမှာဖြစ်ပါတယ်။
ဒီတစ်ပတ်မှာလည်း အာဆင်နယ်နဲ့
ချယ်လ်ဆီးတို့ရဲ့ ပွဲစဉ်နဲ့အတူ QPRနဲ့ ၀က်ဟမ်းပွဲ ရှိနေတာပါ။
လာမယ့်ပွဲစဉ်တွေမှလည်း လန်ဒန်ဒါဘီပွတွေ ဆက်တိုက်ယှဉ်ပြိုင်သွားဦးမှာပါ။
ဒါပေမဲ့ ပရိသတ်တွေအဓိကစိတ်ဝင်စားတဲ့ လန်ဒန်ဒါဘီကတော့ များများစားမရှိပါဘူး။
ချန်ပီယံဆုကို စိန်ခေါ်နိုင်တဲ့အင်အား ချင်းလည်းညီမျှတဲ့ အာဆင်နယ်၊
ချယ်လ်ဆီးနဲ့ စပါးအသင်းတို့ရဲ့ အားပြိုင်မှုကိုပဲ ရင်ခုန်ကြတာဖြစ်ပါတယ်။
စစ်တမ်းတစ်ခုအရ အာဆင်နယ်ပရိသတ်တွေဟာ ချယ်လ်ဆီးအသင်းကို
သူတို့ရဲ့တတိယမြောက်ပြိုင်ဘက်အဖြစ်သာ သဘောထားပြီး မန်ယူနဲ့
စပါးတို့ရဲ့နောက်မှာသာ သတ်မှတ်ထားတယ်လို့ဆိုပါတယ်။
ဒါပေမဲ့
မနှစ်သက်ဆုံးအသင်း၊ အမုန်းဆုံးအသင်းလို့တော့
ဆိုပါတယ်။ချယ်လ်ဆီးအသင်းပရိသတ်တွေကတော့ အာဆင်နယ်ကို လီဗာပူးလ်ရဲ့ နောက်မှာ
ဒုတိယအမုန်းဆုံးအသင်းအဖြစ်တော့ သဘောထားခဲ့ပါတယ်။
ပြိုင်ဆိုင်မှုအပြင်းထန်ဆုံးနဲ့ အခါးသီးဆုံးလန်ဒန်ဒါဘီကတော့ လန်ဒန်မြို့ရဲ့
မြောက်ပိုင်းအရပ်မှာ အတူအခြေချထားတဲ့ အာဆင်နယ်နဲ့ စပါးတို့ပါ။ ဒါပေမဲ့ ၂၀၀၀
ခုနှစ်နောက်ပိုင်းမှာ အင်အားကြီးထွားလာတဲ့ ချယ်လ်ဆီးအသင်းရဲ့
ပရီးမီးယားလိဂ်ချန်ပီယံဆုကို စိန်ခေါ်လာနိုင်မှုကြောင့်
ကမ္ဘာ့ဘောလုံးပရိတ်သတ်အတွက်တော့ အာဆင်နယ်နဲ့ ချယ်လ်ဆီးဆုံတွေ့တဲ့
လန်ဒန်ဒါဘီကသာ စိတ်လှုပ်ရှားစရာအကောင်းဆုံးလို့ ဆိုရမှာပါ။
လက်ရှိအချိန်မှာလည်း မန်ချက်စတာနှစ်သင်းနဲ့ အပြိုင်
ပရီးမီးယားလိဂ်ချန်ပီယံဆုကို မျှော်လင့်ခွင့်ရှိနေတာက
ဒီနှစ်သင်းပဲဖြစ်သလို၊ နှစ်သင်းစလုံး ရှုံးပွဲမရှိရလဒ်တွေနဲ့
ပုံစံကောင်းရနေတဲ့အခြေအနေက လာမယ့် ဒါဘီပွဲကို ပိုရင်ခုန်အောင်
ဖန်တီးထားသလိုပါပဲ။
နှစ်သင်းဆုံတွေ့ခဲ့တဲ့မှတ်တမ်းကိုပြန်လေ့လာကြည့်မယ်ဆိုရင် နောက်ဆုံး
(၁၀)ပွဲမှာ ပြီးခဲ့တဲ့ရာသီက တစ်ပွဲသာ သရေကျခဲ့ပြီး ကျန်(၉)ပွဲက အရှုံး
အနိုင်အဖြေပေါ်ခဲ့တာကြောင့် ဘယ်သူရှုံးပွဲစတွေ့မလဲဆိုတာ
စောင့်ကြည့်ရမယ့်ပွဲဖြစ်နေပါတယ်။ အီမရိတ်စ်ကွင်းကိုပြောင်းရွှေ့ပြီးမှ
အိမ်ကွင်းအားသာချက်ကို အသုံးမချနိုင်သလိုဖြစ်လာတဲ့ အာဆင်နယ်အသင်းအတွက် တော့
အရေးကြီးတဲ့ စမ်သပ်မှုလို့ပဲ ဆိုရမှာပါ။
ပြင်သစ်နဲ့ အီတလီ
ချယ်လ်ဆီးအသင်း ပရီးမီးယားလိဂ်မှာ အင်အားကြီးအသင်းဖြစ်လာချိန်နဲ့
ဒါဘီပြိုင်ဘက်ကို အသာစီးရယူချိန်ကလည်း တစ်သားတည်းလိုလိုပါပဲ။
အာဆင်နယ်နည်းပြ အာစင်ဝင်းဂါးအတွက်တော့ မော်ရင်ဟိုကစပြီး
ချယ်လ်ဆီးအသင်းရဲ့နည်းပြအဆက်ဆက်ကို အသာမရတော့ဘူးလို့ပဲဆိုရမှာပါ။
လက်ရှိနည်းပြ ဒီမတ်တီယိုကိုလည်း အာဝင်ဝင်းဂါး အနိုင်မရဖူးသေးပါဘူး။
ဒီမတ်တီယို အီိတလီနည်းပြတွေ ပိုမိုနေရာရ တွင်ကျယ်လာတဲ့အချက်ကလည်း တစ်ချိန်က
ဖာဂူဆန်းကိုသာ ပြိုင်ဘက်အဖြစ်သဘောထားခဲ့ရတဲ့ အာစင်ဝင်ဂါးအတွက်
လှပတဲ့စိန်ခေါ်မှုတွေ ဖြစ်လာပါတယ်။
ပြီးခဲ့တဲ့ ပွဲစဉ်မှာ မန်စီးတီးအသင်းရဲ့
အီတလီနည်းပြမန်စီနီဆီက အဖိုးတန်အမှတ် တစ်မှတ်ခွဲယူနိုင်ခဲ့တဲ့
အာစင်ဝင်းဂါးအနေနဲ့ လာမယ့်ပွဲမှာ ဒီမတ်တီယိုဆီက
အမှတ်အပြည့်ယူနိုင်ခဲ့ရင်တော့ ကျေနပ်စရာဖြစ်သွားမှာပါ။
ရလဒ်ကောင်းတွေဆက်တိုက်ရရှိနေတာကြောင့် မြင့်တက်နေတဲ့ ကစားသမားတွေရဲ့
ယုံကြည်မှုတွေကို ဆက်ထိန်းထားနိုင်ဖို့ကတော့ နှစ်သင်းစလုံးအတွက်
လိုအပ်နေတာကြောင့် အရှိန်ပျက်မသွားအောင် ကြိုးစားရမယ့်ပွဲလည်း ဖြစ်နေပါတယ်။
လန်ဒန်မြို့ရဲ့ အကောင်းဆုံးအသင်းဖြစ်ကြောင်း သက်သေပြပြီး ချန်ပီယံဆုအတွက်
ခွန်အားသစ်စုဆောင်းရမယ့်ပွဲမှာ ရလဒ်ကောင်းကို
ဘယ်သူပိုင်ဆိုင်သွားမလဲဆိုတာကိုတော့ ….။
နောက်ဆုံးတွေ့ဆုံခဲ့သည့်ပွဲ
၂၁- ၄ – ၂၀၁၂ အာဆင်နယ် ၀ – ၀ ချယ်လ်ဆီး
စုစုပေါင်းတွေ့ဆုံခဲ့ပွဲ ၁၇၇ ပွဲ
အာဆင်နယ်နိုင်ပွဲ ၆၈ပွဲ
ချယ်လ်ဆီးနိုင်ပွဲ ၅၇ပွဲ
သရေပွဲ ၅၂ပွဲ
အာဆင်နယ်သွင်းဂိုး ၂၃၂ဂိုး
ချယ်လ်ဆီးသွင်းဂိုး ၂၄၁ဂိုး
No comments:
Post a Comment