ဟောင်ကောင်မှာ လူပေါင်း ၁၂၀ ကျော် လိုက်ပါလာတဲ့ ခရီးသည်တင် ကူးတို့သင်္ဘောတစီးဟာ တခြားကူးတို့ သင်္ဘောတစီးနဲ့ မနေ့ညက တိုက်မိ နစ်မြုပ်သွားတာကြောင့် အနည်းဆုံး သေဆုံးသူ ၃၆ ဦးထိရှိနေပြီဖြစ်ပါတယ်။
ဟောင်ကောင်အနောက်တောင်ပိုင်းက ကမ္ဘာလှည့်ခရီးသည်တွေ အသွားများတဲ့ လမ်မာကျွန်းအနီးမှာ မတော်တဆ တိုက်မိမှုဖြစ်ပွားခဲ့တာဖြစ်ပါတယ်။
ညမှောင်နေတဲ့အတွက် ကယ်ဆယ်ရေးလုပ်ငန်းတွေကို ရဟတ်ယာဉ်တွေ၊ မော်တော်တွေနဲ့ ခက်ခက်ခဲခဲလုပ်ခဲ့ရပြီး နစ်မြုပ်သွားတဲ့ သင်္ဘောထဲမှာ ခရီးသည်တွေ အများအပြား ပိတ်မိနေတယ် လို့ အသက်ရှင်လွတ်လာသူတွေက ပြောပါတယ်။
တခြားကူးတို့သင်္ဘောကတော့ ဆိုးဆိုးရွားရွား ပျက်စီးသွားပေမယ့် သင်္ဘောပေါ်ပါလာတဲ့ ခရီးသည်တချို့ ဒဏ်ရာရပြီး ဆေးရုံကို တင်လိုက်ရတာက လွဲလို့ ဘေးအန္တရာယ်သိပ်မရှိဘဲ ကမ်းကို ကပ်လာနိုင်ခဲ့ပါတယ်။
သင်္ဘောနစ်မြုပ်မှုကနေ ကယ်ဆယ်နိုင်တဲ့ လူပေါင်း ၁၀ဝ လောက်ကို ဆေးရုံပို့ထားတဲ့အကြောင်းနဲ့ ၉ ဦးဟာ ဒဏ်ရာအပြင်းအထန်ရပြီး အခြေအနေ စိုးရိမ်ရတယ်လို့ ဟောင်ကောင်အာဏာပိုင်တွေက ကြေညာထားပါတယ်။
ဟောင်ကောင်သတင်းတွေမှာတော့ သေဆုံးသွားသူတွေထဲမှာ ကလေးတွေလည်း ပါတယ်လို့ ဆိုပါတယ်။
ဟောင်ကောင်မှာ ဆောင်းဦးရာသီ ပွဲတော်နဲ့ တရုတ်အမျိုးသားနေ့ အလုပ်ပိတ်ရက် ကာလမှာ ဖြစ်ပွားခဲ့တာဖြစ်ပြီး သင်္ဘောအသွားအလာများတဲ့ ဟောင်ကောင်မှာ အခုလို မတော်တဆသင်္ဘောတိုက်မိမှုဟာ ဖြစ်တောင့်ဖြစ်ခဲ ဖြစ်ပါတယ်။
No comments:
Post a Comment