Sunday, September 23, 2012

စိတ်ရောဂါသည် တစ်ဦး တိုက်ခိုက် မှုကြောင့် မူလတန်း ကလေးငယ် သုံးဦး သေဆုံး

မြဝတီ

(ပေကျင်း စက်တင်ဘာ ၂၂)

တရုတ် နိုင်ငံ တောင်ပိုင်းရှိ မူလတန်း ကျောင်း တစ်ခု၌ ပုဆိန်ဖြင့် တိုက်ခိုက်မှု ကြောင့် ကလေး သုံးဦး သေဆုံး၍ ၁၃ ဦး ဒဏ်ရာ ရရှိခဲ့ကြောင်း ဒေသခံ မီဒီယာ များက စက်တင်ဘာ ၂၁ ရက်တွင် ထုတ်ပြန် ခဲ့ကြောင်း သိရသည်။

ဖြစ်ပွားပုံမှာ ကွမ်ရှီ ကိုယ်ပိုင် အုပ်ချုပ်ခွင့်ရ ဒေသ ပင်နန်ခရိုင် အတွင်းရှိ မူလတန်းကျောင်း တစ်ကျောင်းမှ ကလေး အုပ်စု တစ်စုအား စိတ်ရောဂါ သည်လူတစ်ဦးက ပုဆိန်ဖြင့် တိုက်ခိုက် ခဲ့ခြင်းဖြစ်ကြောင်း သိရသည်။

ကလေးငယ် များအား တိုက်ခိုက်ခဲ့ သည့် ဝူအမည်ရှိ အမျိုးသားအား ယခု အခါ အာဏာပိုင် များက ဖမ်းဆီး ခဲ့ပြီးနောက် အနီး တစ်ဝိုက်တွင် လုံခြုံရေးကို တိုးမြှင့် ချထား ခဲ့သည်။ အဆိုပါ တိုက်ခိုက်မှုနှင့် စပ်လျဉ်း၍ အာဏာပိုင် များက စုံစမ်း စစ်ဆေးလျက် ရှိကြောင်း သိရသည်။

ထို့အပြင် တရုတ် နိုင်ငံ၌ ၂ဝ၁ဝ ပြည့်နှစ် အတွင်း ကလည်း ကလေးများ အား တိုက်ခိုက်မှု ဖြစ်ပွားခဲ့ရာ ကလေး ၁၅ ဦး သေဆုံး၍ ၈ဝ ကျော်ဒဏ်ရာ ရရှိ ခဲ့ကြောင်း သိရသည်။

ဆေးထိုးအပ်မလိုအပ်ဘဲ အာထရာဆောင်းဓါတ်မှန်နှင့် ဆေးသွင်းနိုင်ပြီ

မြန်မာ့သားကောင်း. ၂၃ရက်နေ့ စက်တင်ဘာ ၂၀၁၂

အမေရိကန်ပြည်ထောင်စု မက် ဆက်ချူးဆက် နည်းပညာတက္ကသိုလ် (MIT) အင်ဂျင်နီယာများက ခန္ဓာ ကိုယ်တွင်းသို့ ဆေးသွင်းနိုင်မည့် နည်းပညာသစ်တစ်မျိုး တွေ့ရှိခဲ့ကြ သည်။ အာထရာဆောင်းဓါတ်မှန်ကို အသုံးပြု၍ ဆေးထိုးအပ်မလိုဘဲ အရေပြား ဖြတ်ကျော်ဆေးသွင်းနိုင်တော့ မည် ဖြစ်သည်။

အာထရာဆောင်းဓါတ်မှန် သည် အသံလှိုင်းများဖြင့်အလုပ်လုပ်သည်။ လူတို့ကြားနိုင်သော အသံလှိုင်းထက် ကြိမ်နှုန်း (Frequency) ပိုများ၍ Ultrasound ဟုခေါ်ခြင်းဖြစ်သည်။ အာထရာဆောင်းအသံလှိုင်းသည် လူ့အရေပြားနှင့်ထိတွေ့သောအခါ အရေပြားအပေါ်ယံအလွှာကို ခေတ္တ ဖယ်ရှားပေးနိုင်သည်။ ဤသို့ဖြင့် နာ ကျင်မှုကင်းမဲ့စွာ အရေပြား၏ စိမ့်ဝင် နိုင်စွမ်းခေတ္တအားကောင်းလာသည်။

စတီးရွိုက်လိမ်းဆေးများ၊ အင်ဆူ လင်ကဲ့သို့ထိုးဆေးများ၊ ကာကွယ်ဆေး များ စသည့်ဆေးများကို အာထရာ ဆောင်းနှင့်ထိုးသွင်းနိုင်တော့မည်ဖြစ် ကြောင်းသုတေသီများကဆိုသည်။

သုတေသနတွင် အာထရာ ဆောင်း အသံလှိုင်းနှစ်မျိုး အသုံးပြုခဲ့သည်။ MIT ၏ထုတ်ပြန်ချက်အရ အသံလှိုင်း တစ်မျိုးတည်းအသုံးပြုသည်ထက် ကြိမ်နှုန်းမြင့်၊ ကြိမ်နှုန်းနိမ့် အသံလှိုင်း နှစ်မျိုးရောယှက်အ သုံးပြုခြင်းက ဆေးများ အရေပြားဖြတ်ကျော်ဝင် ရောက်နိုင်စွမ်း ပိုမိုကောင်းမွန်ကြောင်း သိရသည်။

ဇော်ကို

အထိုင်များသော အလုပ်ကြောင့် စောစောစီးစီး သေဆုံးစေနိုင်

မြန်မာ့သားကောင်း . ၂၃ရက်နေ့ စက်တင်ဘာ ၂၀၁၂

တစ်ခါထိုင်ရင် သုံး-လေးနာရီကျော်ကြာ တဲ့သူတွေကို လေ့လာ ခဲ့ရာ စောစောစီးစီး သေဆုံးနို င်ခြေ မြင့်မားေ နတယ်လို့ လေ့လာမှု နှစ်ခုအရ သိရပါတယ်။ အမေရိကန်ေ လ့လာမှုအရ တစ်နေ့ ခြောက်နာရီထက် ပိုမိုထိုင်ပြီး လေ့ကျင့်ခန်း မလုပ် တဲ့ အမျိုးသမီးေ တွက အချိန်မတို င်မီ စောစောသေဆုံးနိုင်ခြေ ၇၀ ရာခိုင်နှုန်းကျော် ပိုမိုမြင့်မားကြောင်း၊ အမျိုးသားတွေမှာတော့ အချိန်မတိုင်မီ စောစောသေဆုံးနိုင်ခြေ ၅၀ ရာခိုင်နှုန်း

ပိုမိုမြင့်မားကြောင်း လေ့လာတွေ့ရှိရပါတယ်။သြစတြေးလျ လေ့လာမှုအရ တစ်နေ့ ၁၁ နာရီကျော်ထိုင်တဲ့သူတွေက အချိန်မတိုင်မီ စောစောသေဆုံးနိုင်ခြေ ၄၀ ရာခိုင်နှုန်း ပိုမိုမြင့်မားကြောင်း တွေ့ရှိရပါတယ်။ လေ့လာမှုနှစ်ရပ်အရ လူတွေက အထိုင်များလေလေ၊ ဘဝသက်တမ်းတိုဖို့ အခွင့်အလမ်း ပိုများလေလေ ဖြစ်တာကိုတွေ့ရပါတယ်။
အထိုင်များသူတို့အတွက် ဖြေရှင်းနည်း - အထိုင်များတဲ့ အလုပ်လုပ်ရသူတွေ အနေနဲ့ နာရီဝက်ကြာ ထိုင်ပြီးတိုင်း မတ်တပ်ရပ်ပေးဖို့ လိုပါတယ်။
- ဖုန်းကို ရပ်ပြီး ပြောတာ၊ လက်ကိုင်ဖုန်းကို လမ်းလျှောက်ပြီး ပြောတာမျိုး လုပ်ပါ။
- လုပ်ဖော်ကိုင်ဖက်တွေနဲ့ စကားပြောရာမှာ အီးမေး၊ ချက်တင်တွေနဲ့ ပြောမယ့်အစား သူတို့ဆီကို သွားရောက်ပြီးပြောပါ။
- နာရီများစွာ ကြာကြာထိုင်ပြီး အလုပ်လုပ်မယ့်အစား မကြာခဏ ရေသောက်လိုက်၊ အိမ်သာသွားလိုက်(ဆီးသွားလိုက်)လုပ်ပေးပါ။
ZKO(Ref; yahoo.com)

စင်္ကာပူနိုင်ငံက သဘာဝပတ်ဝန်းကျင် သန့်ရှင်းရေး

ဧရာဝတီဘလော့. ၂၃ရက်နေ့ စက်တင်ဘာ ၂၀၁၂

သာယာသောနံနက်ခင်းမို့ခါ တိုင်းလျှောက်နေကျ အနီးရှိ သဘာဝ တောအုပ်နှင့် အချိုးတကျ လူပြုပြင်ထားတဲ့ အပန်းဖြေသစ်တောဥယျာဉ်ဘက် လမ်းလျှောက်ထွက်ခဲ့ပါတယ်။ ငှက်ကလေးများ တေးသီဧရိယာ – Birds Singing Area ဘက် ဖြည်းဖြည်းလျှောက်လာပြီး ကျောက်ထိုင်ခုံတန်းတစ်ခုပေါ် ထိုင်ရင်း ငှက်ကလေးများတေးသီသံကို စိတ်အေးချမ်းစွာ နားဆင်မိပါတယ်။
ပထမအကြိမ် လမ်းလျှောက်စဉ်က ငှက်ကလေးများ တေးသီဧရိယာ ဆိုင်းဘုတ်တွေ့တော့ သဘာဝ တောအုပ်ထဲက ငှက်ကလေးများလို့ထင်မိပြီး လျှောက်လာတော့မှ အောက်ဘက်က ကွင်းပြင်ကျယ်မြေပြန့်ဘက်မှာ အမြင့်ပေ၂ဝခန့် သံပိုက်တိုင်ကလေးများ ရှစ်ပေခြားခန့်အစီအရီ ထောင်ထားကာ ငှက်မွေးသူများက ခြေလျင်တစ်မျိုးကားဖြင့်တစ်ဖုံ အသီးသီးနံနက်ပိုင်းတွင် ရောက်လာကြပြီး တိုင်မှာအသင့်ရှိကြိုးဖြင့် ငှက်လှောင်အိမ်များကို တစ်တိုင်တစ်လုံးကျ အလံတင်သလို ချိတ်ဆွဲတင်ကြတာကို တွေ့ရပါတယ်။
ငှက်ကလေးများကတော့ ချိုးငှက်အပါအဝင် အသံသာငှက်မျိုးစုံပါပဲ။ သူတို့ကနေအိမ်မှာ သံသာငှက်ကလေးတွေရှိရင် မင်္ဂလာရှိတယ်လို့ စွဲယူကြဟန်ရှိပါတယ်။ လှောင်အိမ်ထဲက ငှက်ကလေးများ၊ အနီးရှိ သဘာဝ တောအုပ်ထဲက ငှက်ကလေးများရဲ့ တေးကြူသံများက သာယာပါတယ်။ ငှက်လှောင်အိမ်ကလေးများ ချိတ်ထားပြီး ပိုင်ရှင်အချို့က အနီးအနား အရိပ်ရှိ ခုံတန်းကလေးများမှာ ထိုင်ပြီး သက်သောင့်သက်သာ စကားပြောဆိုနေကြပါတယ်။ မလှမ်းမကမ်း ကိုက် ၂ဝဝသာသာမှာတော့ ဈေးသွား၊ ဈေးဝယ်စည်ကားတဲ့ ကုန်မျိုးစုံဈေးကြီး တစ်ခုရှိပြီး ဝန်းကျင် တစ်ခုလုံး သန့်ရှင်းသပ်ရပ်နေပါတယ်။ ကားပါကင် ဧရိယာကလဲ အတော်ပင်ကျယ်ဝန်းပြီး ကားအချို့ စီရရီ ရပ်ထားပါတယ်။

နေရာက စင်ကာပူနိုင်ငံ၊ အန်မိုကို သဘာဝသစ်တောဥယျာဉ်ဖြစ်ပါတယ်။ သဘာဝ သစ်တောဥယျာဉ်ကို ကနဦးရှိပြီး တောင်ကုန်းမြေမြင့်ရှိ သဘာဝ သစ်ပင်သစ်တောအတိုင်း ၇ဝ ရာခိုင်နှုန်းခန့် ထိန်းသိမ်းထားရှိကာ သင့်တော်တဲ့ အချို့နေရာများမှာ လူက ပြုပြင်ထားပေးတာ တွေ့ရပါတယ်။ အပန်းဖြေကျန်းမာရေးအတွက် တောင်ကုန်းပတ်၊ တောင်ကုန်းဖြတ် ကတ္တရာခင်း၊ ကျောက်ပြားခင်းလမ်းကလေးများ၊ တောအုပ်အတွင်း ဖြတ်လမ်းကလေးများ ရှိနေပြီး သဘာဝတောတွင်းလေသန့်ကို ရှူရှိုက်နိုင်ကြပါတယ်။ တောင်ကုန်းပေါ်နဲ့ အောက်ခြေ မြေပြန့်များမှာ ကိုယ်လက်လှုပ်ရှား ကစားလိုသူများအတွက် ကစားနိုင်တဲ့ ကိရိယာများ၊ ကလေးကစားကွင်းငယ်များ သပ်ရပ်ခိုင်ခံ့စွာထားရှိပြီး လူအို၊ လူလတ်၊ ကလေးများပါ လေ့ကျင့်ကစားနေ လေ့ရှိပါတယ်။
သဘာဝ တောအုပ်ထဲမှာ တောရစ်ငှက်၊ ရှဉ့်၊ ငုံးငှက် စသည်များ ရှိပါတယ်။ တောင်ကုန်းကြီးရဲ့ အခြားတစ်ဘက် မြေပြန့်တစ်နေရာမှာတော့ ပေ ၁ဝဝ x ၅ဝ ခန့် ရှည်မျောမျော သဘာဝ ရေကန်ငယ်တစ်ခု ရှိကာ ပဒုမ္မာကြာများ ပွင့်ဖူးငုံနေတာကို နိုင်ငံခြား ခရီးသည်အချို့က စိမ်ပြေနပြေ ဓာတ်ပုံများ၊ ဗီဒီယိုမှတ်တမ်းများ ရိုက်နေကြတာ မကြာခဏ တွေ့ရပါတယ်။ ဒီလို သဘာဝ သစ်တော ဥယျာဉ်ကျယ်များဟာ မြို့နယ် ဒေသတိုင်းမှာ ရှိနေပါတယ်။
ရေကန်ရဲ့ တစ်ဘက်ထိပ်မှာ ကျောက်တိုင်၊ ကျောက်ထုပ်များနဲ့ ပန်းနွယ်ရုံ စင်ကျယ်တစ်ခု အခိုင်အမာ လုပ်ထားပြီး နွယ်ပန်းများ မိုးယှက်နေကာအောက်မှ ကျောက်ခုံဝိုင်းများမှာ နားနေ၊ စာဖတ်လျက်ရှိကြပါတယ်။ လမ်းမကျယ်ရဲ့ အခြားဘက်ကွင်းပြင်ကျယ် မြက်ခင်းစိမ်းစိမ်းများဘေးမှာတော့ အင်တာနက် ဆက်သွယ်ရေးစနစ်နဲ့ စားသောက်နားနေခန်း ပါရှိတဲ့ နှစ်ထပ် ပြည်သူ့ စာကြည့်တိုက်တစ်ခု ဣနြေ္ဒရစွာရှိနေပြီး လူကြီး၊ လူငယ်၊ ကလေး မကျန် ပုံမှန်ဝင်၊ ထွက်နေကြပါတယ်။
သဘာဝ တောဥယျာဉ် ကုန်းမြေမြင့်ကြီးရဲ့ တစ်ဘက်ထိပ် လမ်းဆုံနားမှာတော့ ကမ္ဘာကျော် မက်ဒေါနယ် စားသောက်ဆိုင်ကြီးတစ်ခု ရှိနေကာ ဆိုင်ဝန်းကျင်က တိတ်ဆိတ် အေးချမ်းပြီး သဘာဝတောနဲ့ လူလုပ်မြေ၊ ရေအလှပြုပြင်မှုကို အချိုးညီစွာ ပေါင်းစပ်ထားပါတယ်။ ကလေးက စားခန်းတစ်ခုလဲ ထည့်သွင်းထားလို့ လူကြီးများ ဣနြေ္ဒရစွာ စားသောက်၊ စကားပြောဆို နားနေလို့ရပါတယ်။
ကျောက်ခုံတန်းမှာ အတန်ကြာနားနေပြီး လက်ယာရစ်လျှောက်လာကာ ကြာကန်ထိပ် ကျောက်စားပွဲနား ရောက်တော့ စည်းကမ်းမဲ့သူတစ်ဦး ပစ်သွားတဲ့ ဘီယာပုလင်းခွံတစ်လုံး မြေကြီးက ကျောက်သားနဲ့ထိကာ ကွဲကြေနေတာ၊ ဖော့ဘူးခွံတချို့ပစ်ထား တာတွေ့လို့ အသာကောက်ယူကာ အနီးရှိ အမှိုက်ပုံးထဲ ထည့်ခဲ့ပါတယ်။ ဒီလိုပါပဲ လမ်းလျှောက်ရင်း တစ်ခါတရံ စည်းကမ်းမဲ့သူတချို့က ဘူးခွံ၊ စက္ကူစ၊ပလတ်စတစ်စများကို ပစ်ထားတာကို တွေ့ရတတ်ပါတယ်။ သန့်ရှင်းရေး အမြဲလုပ်နေပေမယ့် လပ်ဟာတဲ့အခါတော့ ရှိပေမပေါ့။

တိုက်ခန်းနေသူများ အမှိုက်စွန့်စနစ်၊ သိမ်းစနစ်ကတော့ အလွန် ကောင်းပါတယ်။ အထပ်မြင့် တိုက်ခန်းများက မီးဖိုခန်းရှိ အမှိုက်ပေါက် အဖုံးဖွင့်ပြီး ပစ်ချလိုက်ရုံပါပဲ။ သိမ်းယူစနစ်ကလဲ နေ့တိုင်းနိုင်အောင် သိမ်းယူပြီး ရေဖျန်းသန့်ရှင်းသွားပါတယ်။ တိုက်ခန်းတိုင်းရဲ့ ဝရံတာ စင်္ကြံလှေကားများကိုလဲ အမြဲတစေ ရေထိုးပိုက်အားဖြင့် ဖျန်းပက် သန့်ရှင်း သွားကြပါတယ်။ ပြန်လည်ပြုပြင် အသုံးချနိုင်တဲ့ – Recycling စွန့်ပစ်ပစ္စည်း ဥပမာ-ပလတ်စတစ်၊ သတ္တု၊ ဖန်ထည်ပစ္စည်းများ၊ သတင်းစာထုပ် ပိုးစက္ကူဂျပ်၊ စီဒီပြားများစသည်တို့ ကို ထည့်ထားရန်၊ ပလတ်စတစ်အိတ်ကြီးများကို တစ်လတစ်ကြိမ် နေအိမ်ခန်းများသို့ ထားပေးကာ စွန့်ပစ်ပစ္စည်းများ ထည့်ပြီး သတ်မှတ်ရက်တွင် နေအိမ်ခန်းရှေ့၌ ချထားပေးပါရန် မေတ္တာရပ်ခံစာအိတ်ပေါ်တွင် ရေးထားပါတယ်။ နေအိမ်ခန်းနေသူများက Recycling စွန့်ပစ္စည်းများထည့်ကာ အခန်းရှေ့တွင်ထားပါက သက်ဆိုင်ရာအလှည့်ကျသူ(များသော အားဖြင့် စာသင်ကျောင်းများမှ လုပ်အားပေး Volunteer လူငယ်များက) လာရောက် သိမ်းယူသွားကြပါတယ်။
ဝန်းကျင်သန့်ရှင်းတဲ့ စွမ်းအင်ရယူဖို့ အိုးအိမ်တိုက်တာများမှာ နေရောင်ခြည် လျှပ်စစ်ဓာတ်အားစနစ် စတင် လုပ်ဆောင်နေကြပါပြီ။ လမ်းမီးများကိုလဲ အချိန်ကိုက်ဖွင့်၊ ပိတ်စနစ်သုံးကာ ရုံး၊ နေအိမ်ခန်း အားလုံးကလဲ လျှပ်စစ်မီး၊ ရေ၊ ဓာတ်ငွေ့များကို အလေအလွင့် မရှိအောင် စည်းကမ်းတကျ သုံးကြပါတယ်။
မှတ်သားစရာတစ်ခုကတော့ အမှိုက်အိတ် – Recycling Waste Bag မှာ ရေးထားတဲ့ စာပိုဒ်နှစ်ခုပါ။ တစ်ခုက ‘ကျွန်ုပ်တို့ အမှိုက်ထွက် နည်းပါးစေပြီး သဘာဝ သယံဇာတများကို ထိန်းသိမ်းကြစို့’နဲ့ ‘ သဘာဝဝန်းကျင်ကို ထိန်းသိမ်းကာကွယ် ကြပါစို့’ တဲ့။

ဈေးကွက်ဂျာနယ်တွင် ဖော်ပြထားသော ဆောင်းပါးဖြစ်သည်။
ဦးဦးဇော် ~

နေအိမ်ခန်းအသွင်သုံးနိုင်မည့် ပေါင်တစ်သန်းကျော်တန် ဇိမ်ခံဘတ်စ်ကား

မြန်မာ့သားကောင်း . ၂၃ရက်နေ့ စက်တင်ဘာ ၂၀၁၂

နေအိမ်ခန်းတစ်ခုအသွင် အသုံးပြုနိုင်သော အဆင့်မြင့်နည်းပညာများ ပါဝင်သည့် Volkner Mobile Performance Bus ဟု အမည်ပေးထားသော ဇိမ်ခံဘတ်စ်ကားကြီး၏ တန်ဖိုးမှာ ပေါင်စတာလင် ၁ ဒသမ ၂ သန်းအထိပင်ရှိနိုင်ကြောင်း သိရသည်။
အဆိုပါကားကြီးပေါ်တွင် အိပ်ခန်း၊ မီးဖိုခန်း၊ ဧည့်ခန်း၊ ရေချိုးခန်းနှင့် အခြား ဇိမ်ခံဖျော်ဖြေးရေးပစ္စည်းများ ပါဝင်သည်။ ထို့အပြင် ပြိုင်ကားအရွယ် Ferrari သို့မဟုတ် Lamborghini စူပါကားတစ်စီးကိုလည်း ထည့်သွင်းသယ်ဆောင်သွားနိုင်မည် ဖြစ်သည်။

အရှည် ပေ ၄၀ ရှိသော အဆိုပါဘတ်စ်ကားကြီးကို မှာကြားဝယ်ယူလိုသူများ အနေဖြင့် ကားပေါ်တွင် မိမိတို့ စိတ်တိုင်းကျ တပ်ဆင်ထည့်သွင်းလိုသည်များ၊ မွမ်းမံပြင်ဆင်လိုသည်များကို ရွေးချယ်နိုင်ပြီး မိမိထည့်သွင်းသမျှ၊ မွမ်းမံပြင်ဆင်သမျှပေါ်မူတည်၍ ဘတ်စ်ကားတစ်စီးလျှင် ပေါင်စတာလင် ၇၅၀,၀၀၀ မှ ၁ ဒသမ ၂ သန်းအထိ ကျသင့်မည်ဖြစ်သည်။ လက်ရှိအချိန်တွင် ကမ္ဘာတစ်ဝန်းရှိ ချမ်းသာကြွယ်ဝသူများထံမှ အမှာစာများကို လက်ခံရရှိထားပြီးဖြစ်ကြောင်း သိရသည်။

From -Planet.com.mm

ဂျပန်မှာ တရုတ်ဆန့်ကျင်ရေး ဆန္ဒပြ

အမျိုးသားရေး ဝါဒီ အဖွဲ့ တခု ကနေ ဒီဆန္ဒပြပွဲကို စည်းရုံး လုပ်ဆောင် ခဲ့တာ ဖြစ်ပါတယ်

BBC News, 22September 2012

အရှေ့တရုတ် ပင်လယ်က ကျွန်းစု အငြင်းပွားမှု ကိစ္စ အရှိန် မြင့်လာနေချိန်၊ ဂျပန် နိုင်ငံ တိုကျို မြို့တော်မှာ လူပေါင်း ရာနဲ့ချီပြီး တရုတ် ဆန့်ကျင်ရေး ကြွေးကြော် ဆန္ဒပြခဲ့ကြ ပါတယ်။
ဂန်ဘရီ နီပွန် (ဂျပန်အရေး ဆောင်ရွက်ကြပါ) လို့ ခေါ်တဲ့ အမျိုးသားရေး ဝါဒီ အဖွဲ့ တခု ကနေ ဒီဆန္ဒပြပွဲကို စည်းရုံး လုပ်ဆောင် ခဲ့တာ ဖြစ်ပါတယ်။
ဒီကျွန်းစုတွေကို ဂျပန်က ပိုင်ဆိုင်တယ်ဆိုတာကို ပြတ်ပြတ် သားသား ကြေညာ ပြောဆို လိုကြောင်း အဲဒီ အဖွဲ့က ပြောပါတယ်။
တရုတ်နိုင်ငံ တလွှား မြို့ကြီးတွေမှာလည်း ပြီးခဲ့တဲ့ ရက်ပိုင်းတွေ အတွင်း ဂျပန် ဆန့်ကျင်ရေး ဆန္ဒပြမှုတွေ ဖြစ်ပွားခဲ့ ပါတယ်။
ဂျပန်လို့ ဆန်ကာကူ တရုတ်လို့ ဂျောင်ယုလို့ ခေါ်တဲ့ ဒီကျွန်းစုတွေကို ဂျပန် ပုဂ္ဂလိကပိုင် လက်ထဲ ကနေ အခုလ အစောပိုင်းတုန်းက ဂျပန် အစိုးရက ဝယ်ယူလိုက်တာ ဖြစ်ပါတယ်။
အမျိုးသားရေး စိတ်ဓာတ် အင်မတန် ပြင်းထန်တဲ့ တိုကျို အုပ်ချုပ်ရေးမှူး ကနေ ဒီကျွန်းတွေကို ဝယ်ယူဖို့ စီစဉ်ထားရာ၊ အစိုးရက လက်ဦးအောင် အရင် ဝယ်ယူ လိုက်တာလည်း ဖြစ်ပါတယ်။

မောင်းကြမလား လျှပ်စစ်ကား

ဆန်ဟိုဆေးမြို့ The Tech Museum of Innovation အမည်ရှိ နည်းပညာပြတိုက်တွင် တွေ့ရသော လျှပ်စစ်ကား (ဓာတ်ပုံ – ဂျန်းဂင်း)

Moe MaKa News, 22September 2012

မနက်ဖြန် စက်တင်ဘာ ၂၃ တနင်္ဂနွေနေ့တွင် ကျရောက်မည့် ပလပ်ပေါက်ထိုးသည့်နေ့ကို ကျင်းပရန် အမေရိကန်မြို့ကြီး ၆၀ ကျော်တွင် အသင့်ဖြစ်နေကြသည်။
ထဲထဲဝင်ဝင် ပါဝင်မည့်သူတို့မှာ အရေအတွက် ထောင်သောင်းချီသော လျှပ်စစ်မော်တော်ယာဉ်ပိုင်ရှင်များဖြစ်သည်။ လျှပ်စစ်ဓာတ်အားသုံး ကားကြီးကားငယ် ဆိုင်ကယ် အသုံးပြုနေသူတို့က ပလပ်ပေါက်ထိုးသည့်နေ့ကျင်းပစဉ် ၎င်းတို့၏ စီးတော်ယာဉ်များအကြောင်း ပရိသတ်က စုံစမ်း မေးမြန်းလာပါက လိုလိုလားလား ဖြေကြားကြမည်ဟု အွန်လိုင်းလှုံ့ဆော်မှုများတွင် ရေးသားထားသည်ကို တွေ့နေရသည်။
ကယ်လီဖိုးနီးယားပြည်နယ်တွင် လျှပ်စစ်မော်တော်ယာဉ် အများအပြား သုံးစွဲနေကြသည်။
တခြားလောင်စာသုံး မော်တော်ယာဉ်များထက် လျှပ်စစ်မော်တော်ယာဉ်တို့က ဈေးကြီးမြင့်သော်လည်း ရေရှည်တွင် လျှပ်စစ်ယာဉ်က အကုန်အကျ သက်သာသည်။
ဓာတ်ဆီမဲ့တော်လှန်ရေးဆင်နွဲနေသည့် လျှပ်စစ်ကားကို တဖြည်းဖြည်း လူကြိုက်များလာသည်။ မနက်ဖြန် လျှပ်စစ်ဓာတ်အားသုံး ကားကြီးကားငယ် ဆိုင်ကယ်များ လမ်းတကာ လှည့်လည်ကြသည့်အခါ ဓာတ်ဆီမဲ့၊ ဓာတ်ငွေ့မဲ့ လျှပ်စစ်ကားတို့ကို ပိုမို အာရုံစိုက်လာကြမည်ဟု မျှော်လင့်နေကြသည်။ လျှပ်စစ်ဓာတ်သုံးယာဉ်များ ဖြစ်သောကြောင့် စက်သံဆူညံခြင်း၊ မီးခိုးထွက်ခြင်းတို့နှင့် ကြုံရမည် မဟုတ်ပေ။
Fed Ex, Coca Cola, Duane Reade ကဲ့သို့သော အထင်ကရ ကုမ္မဏီကြီးများက ၎င်းတို့၏ လုပ်ငန်းသုံး လျှပ်စစ်ထရပ်ကားများကို နယူးယောက်မြို့တော်ကြီးတွင် ပြသကြမည်ဖြစ်သည်။
“အမေရိကန်မှာ လျှပ်စစ်ဓာတ်အားသုံးမော်တော်ယာဉ်အသစ် အရေအတွက် ငါးသောင်းက ၂ နှစ်အတွင်း ရောင်းကုန်သွားတယ် ဆိုတော့ အမေရိကန်တွေဟာ ဓာတ်ဆီအားပြုနေရတဲ့ အခြေအနေကို ကျော်လွန်ဖို့ အသင့်ဖြစ်နေပြီ ဆိုတာ ပြသနေပါတယ်” ဟု Sierra Club မှ ညွှန်ကြားရေးမှူးချုပ် Michael Brune က ပြောသည်။ Sierra Club သည် အမေရိကန်တွင် နာမည်ကြီးသော သဘာဝပတ်ဝန်းကျင်ထိန်းသိမ်းရေးအဖွဲ့ ဖြစ်သည်။
ဓာတ်ဆီဖြည့်လျှင် မိနစ်ပိုင်းအတွင်း ပြီးစီးသော်လည်း လျှပ်စစ်ဓာတ်အားဖြည့်သည့်အခါ အမြန်နှုန်းဖြင့် သွင်းလျှင်ပင် အနည်းဆုံး နာရီဝက်ခန့် အချိန်ကြာသည်။
“ပလပ်ပေါက်ထိုး အားဖြည့်ပြီး မောင်းရတဲ့ကားတွေက ဓာတ်ဆီကားတွေထက် ပိုပြီး လောင်စာဖိုး သက်သာတယ်။ အားဖြည့်နေတုန်းမှာလည်း အိပ်နေလို့ ရသေးတယ်” ဟု Plug In America အဖွဲ့ ဥက္ကဋ္ဌ Chad Schwitters က ပြောသည်။
“ဒီသတင်းကောင်းတွေကို အများပြည်သူ သိအောင် ပြောပြဖို့အတွက် ဒီအခမ်းအနားတွေ လုပ်နေတာပါ” ဟု သူက ဆက်လက်ပြောသည်။
နိုင်ငံတကာတွင် ပါတ်ဝန်းကျင်သန့်ရှင်းရေး ဦးစားပေး မော်တော်ယာဉ်များ တုိုးမြှင့် ထုတ်လုပ်လျက်ရှိပြီး တပြိုင်နက်တည်းတွင် ဓာတ်အားဖြည့်နိုင်သည့် ဆိုင်များ တိုးချဲ့ဆောက်လုပ်ရေးကိုလည်း ဆောင်ရွက်နေကြသည်။
ဂက်စ် နှင့် ဓာတ်ဆီ ပူးတွဲသုံးယာဉ် ထုတ်လုပ်သကဲ့သို့ လျှပ်စစ်နှင့် လောင်စာဆီသုံး ကားများကိုလည်း စမ်းသပ်လျက်ရှိသည်။
နိုင်ငံအများအပြားတွင် လျှပ်စစ်ကားထုတ်လုပ်သော ကုမ္မဏီတို့က ပြည်နယ်အစိုးရ၊ ဗဟိုအစိုးရထံမှ အထောက်အပံ့၊ အကူအညီ ရနေကြသည်။
ထိုင်းနိုင်ငံတွင်လည်း လျှပ်စစ်ကား သုံးစွဲမှု အစပျိုးနေကြောင်း ဘန်ကောက်မြို့တော် အခြေစိုက် ဘန်ကောက်ပို့စ် သတင်းစာ အွန်လိုင်းတွင် ရေးထားသည်။
ထိုင်းတွင် ၂ နှစ်အတွင်း ဓာတ်အားဖြည့်ဆိုင် ၂၀ တည်ဆောက်မည်ဟု ဆိုသည်။ ဘန်ကောက်မြို့တော်တွင် ပြီးခဲ့သောလက တဆိုင်၊ ကြာသပတေးနေ့က တဆိုင် ဖွင့်ခဲ့သည်ဟု သတင်းတွင် ရေးသားထားသည်။
လျှပ်စစ်ယာဉ်တို့ကို အားဖြည့်ဆိုင်တွင် ဓာတ်အား ဖြည့်နိုင်သကဲ့သို့ နေအိမ်တွင်လည်း ပလပ်ပေါက်ထိုးပြီး ဓာတ်အားဖြည့်နိုင်သည်။
အားဖြည့်ဆိုင် အရေအတွက်
အမေရိကန် – ၈,၀၀၀ ခန့်
နော်ဝေး – ၃,၂၃၉
ဂျပန် – ၈၀၀
တရုတ် – ၁၆၈
ထိုင်း – ၂
မိုးမခအထောက်တော် အမှတ် ၀၀၄

ပေါ်တူဂီအစိုးရက အခွန်တိုးမယ့်ကိစ္စ ပြန်သုံးသပ်

ဆန္ဒပြနေကြတဲ့ ပေါ်တူဂီ ပြည်သူများ

BBC News, 23September 2012
ပေါ်တူဂီ နိုင်ငံမှာတော့ လူမှုဖူလုံရေး အခွန် တိုးမြှင့်မယ့် အစီအစဉ် အတွက် ဆန့်ကျင် ဆန္ဒပြနေ ကြတဲ့ အတွက် အစိုးရက ပြန်လည် သုံးသပ် နေပါတယ်။
ဒီ ဗဟို လက်ယာယိမ်း အစိုးရက ပေါ်တူဂီ နိုင်ငံ အတွက် နိုင်ငံတကာက ကူညီ ထားတဲ့ အစီအစဉ် တွေအရ ဝန်ထမ်းတွေ ဆီက ပိုပြီး အခွန်တွေ တိုးကောက်ဖို့ စီစဉ် ထားခဲ့တာ ဖြစ်ပါတယ်။
ဒီအတွက် လွန်ခဲ့တဲ့ သတင်း တပတ်လောက်က အခွန် တိုးမြှင့်မယ့် အစီအစဉ် တွေကို ကြေညာခဲ့ချိန် ကစလို့ ထောင်ပေါင်း များစွာသော လူတွေ လစ္စဘွန်းနဲ့ တခြား နေရာတွေမှာ ဆန္ဒ ပြခဲ့ကြတာ ဖြစ်ပါတယ်။
အဲဒါကြောင့် သမ္မတနဲ့ သူ့ရဲ့ အကြံပေးတွေ ၈ နာရီကြာလောက် ဆွေးနွေးခဲ့ကြ အပြီးမှာ အခုလို ပြန်လည် သုံးသတ်ဖို့ ဆုံးဖြတ် ခဲ့ကြတာ ဖြစ်ပါတယ်။

ဂွမ်တာနာမို အကျဉ်းသား ၅၅ ယောက်နံမည် အမေရိကန်ထုတ်ပြန်

ကျုးဘားနိုင်ငံ၊ ဂွာတာနာမို စစ်အကျဉ်းထောင်။

(ဇွန်လ ၂၇ ရက်၊ ၂၀၀၆)။

VOA News, 22September 2012 —- ကျုးဘားနိုင်ငံ ဂွာတာနာမို စစ်အကျဉ်းထောင်မှာ ထိန်းသိမ်း ခံထားရသူတွေထဲက မကြာခင်ပြန်လွှတ်ပေးမယ့် အကျဉ်းသား ၅၅ ဦးရဲ့ အမည်စာရင်းတွေကို အမေရိကန် အစိုးရက ထုတ်ပြန်လိုက်ပါတယ်။ ဒီစာရင်းထဲမှာ အမေရိကန်ပြည်ထောင်စုမှာ ၂၀၀၁ ခုနှစ် စက်တင်ဘာလ ၁၁ ရက် အကြမ်းဖက် တိုက်ခိုက်ခံရပြီးနောက်ပိုင်း ကတည်းကစလို့ ၁၁ နှစ်လောက်ကြာ ထိန်းသိမ်းခံထားရတဲ့ အကြမ်းဖက်သမားအဖြစ် မသင်္ကာသူ အကျဉ်းသား စုစုပေါင်း ၁၆၇ ယောက်ထဲက ၃ ပုံ၊ ၁ ပုံ ရဲ့ နံမည်တွေ ပါဝင်ပါတယ်။
အဲဒီအထဲက အများစုကတော့ ယီမင်နိုင်ငံသားတွေ ဖြစ်ပါတယ်။ ၂၀၁၀ ခုနှစ်တုန်းက သူတို့ကို ယီမင်နိုင်ငံကို ပြန်လွှတ်လိုက်ရင် ယီမင်နိုင်ငံမှာ အခြေစိုက်တဲ့ အယ်လ်ခိုင်းဒါး အဖွဲ့တွေ နဲ့ ပူးပေါင်းသွားမှာ စိုးတဲ့ သမ္မတ အိုဘားမားက သူတို့ကို ယီမင်ကို ပြန်ပို့ရေးအစီအစဉ်ကို ဆိုင်းထားခဲ့တာဖြစ်ပါတယ်။
၂၀၀၉ ခုနှစ်တုန်းက သမ္မတအိုးဘားမား အစိုးရအနေနဲ့ ဒီအကျဉ်းသားတွေရဲ့ နာမည်တွေကို လျှို့ဝှက်ထားဖို့ ဆုံးဖြတ်ခဲ့တာ ဖြစ်ပေမဲ့ သောကြာနေ့တုန်း ကတော့ ပြန်လွှတ်ပေးမယ့် အကျဉ်းသားတွေရဲ့ နံမည်တွေကို တရားဝင် ထုတ်ဖော်ကြေညာခဲ့တာပါ။
ထိန်းသိမ်းထားတဲ့ အကျဉ်းသားတွေကို တခြားနိုင်ငံ တွေဆီ လွှဲပြောင်းဖို့ ညှိနှိုင်းတဲ့အခါမှာ အပေးအယူ လုပ်ရ လွယ်ကူအောင်လို့ ဒီအကျဉ်းသားတွေနဲ့ ပတ်သက်တဲ့ သတင်း အချက်အလက်တွေကို ကာကွယ်ပေးခဲ့တာ ဖြစ်တယ်လို့ သမ္မတအိုဘားမား အစိုးရ တာဝန်ရှိသူတွေက ပြောပါတယ်။ အခုအခြေအနေတွေ ပြောင်းလဲသွားပြီဖြစ်လို့ အရင်ကလို ဝရမ်းထုတ်ထားတဲ့ သက်သေပြနိုင်မှ အကျဉ်းသားတွေကို လွှဲပြောင်းပေးတာမျိုး မလိုတော့ဘူးလို့ အမေရိကန် အစိုးရက ပြောပါတယ်။
ဗွီအိုအေ (မြန်မာဌာန)

ဘန်ဂါဇီ အခြေစိုက် စစ်သွေးကြွ အဖွဲ့ကို မောင်းထုတ်

ဆိုးသွမ်းလှတဲ့စစ်သွေးကြွတွေ ကြောင့်မတည် ငြိမ်မှုတွေ ဖြစ်နေတဲ့အပေါ်လူထုကမကျေနပ်

BBC News, 22September 2012

လစ်ဗျားနိုင်ငံ ဘန်ဂါဇီမြို့မှာ အမေရိကန် သံအမတ်ကို သတ်ဖြတ် ခဲ့တဲ့ စစ်သွေးကြွ အဖွဲ့လို့ စွပ်စွဲ ခံထားရတဲ့ ဘန်ဂါဇီ အခြေစိုက် အစ္စလာမ် စစ်သွေးကြွ အဖွဲ့ကို ဘန်ဂါဇီ မြို့ကနေ မောင်းထုတ် လိုက်ကြပြီ ဖြစ်ပါတယ်။
အန်ဆာ အဲလ် ရှာရီယာ လို့ခေါ်တဲ့ ဒီအဖွဲ့ရဲ့ ဌာနချုပ်ကို ရဲတပ်ဖွဲ့နဲ့ ဆန္ဒပြသူတွေ ကနေ ဝင်ရောက် စီးနင်း ခဲ့တာ ဖြစ်ပါတယ်။
တရားမဝင် လက်နက်ကိုင် အဖွဲ့တွေရဲ့ အာဏာပြ ဗိုလ်ကျ မှုတွေကို ဆန့်ကျင် ကန့်ကွက်တဲ့ ကြီးမားလှတဲ့ ဆန္ဒပြမှု ဖြစ်ပွားခဲ့ပြီး နောက်မှာ အခုလို ဝင်စီးခဲ့တာ ဖြစ်ပါတယ်။
ဆန္ဒပြ လူအုပ်ကြီးဟာ ဘန်ဂါဇီမြို့ တခြား နေရာက စစ်သွေးကြွ အဖွဲ့တွေရဲ့ လက်နက်ကိုင် သေနတ် သမားတွေနဲ့လည်း ရုန်းရင်း ဆန်ခတ် ဖြစ်ပွားခဲ့ ပါသေးတယ်။
အနည်းဆုံး လူ ၁၀ ဦး သေဆုံး သွားတယ်ဆိုတဲ့ သတင်းတွေလည်း ရရှိပါတယ်။
လစ်ဗျားမှာ ရှိတဲ့ ဘီဘီစီ သတင်းထောက် ပြောတာ ကတော့ ဆိုးသွမ်း လှတဲ့ စစ်သွေးကြွတွေ ကြောင့် မတည်ငြိမ်မှုတွေ ဖြစ်နေတဲ့ အပေါ် လူထုက မကျေမနပ် ဖြစ်နေတာ လနဲ့ချီ ကြာနေပြီလို့ ဆိုပါတယ်။

အဓိကရုဏ်းကြောင့် ဘင်္ဂလာဒေခ်ျ့ စစ်တကောင်း ရမ်ဂါမတီတွင် အရေးပေါ် ပုဒ်မ ၁၄၄ ထုတ်

နိရဉ္စရာသတင်းဌာန. ၂၃ရက်နေ့ စက်တင်ဘာ ၂၀၁၂

ဘင်္ဂလာဒေခ်ျ့ နိုင်ငံ စစ်တကောင်းတောင်တန်းနယ် သက်လူမျိုးများ နေထိုင်ရာ ရမ်ဂါမတီခရိုင်တွင် သက်ကျောင်းသားများနှင့် ပြောင်းရွှေ့ အခြေချ နေထိုင်သူ ဘင်္ဂလီ လူမျိုးများ အကြား အပြန်အလှန် တိုက်ခိုက်မူများ ပေါ်ပေါက်ပြီးနောက် ယခုအခါ ပုဒ်မ ၁၄၄ ထုတ်ပြန်လိုက်ပြီဟု The Dailystar သတင်းအရ သိရသည်။
ပုဒ်မ ၁၄၄ ကို ဒေသဆိုင်ရာ အာဏာပိုင်များက ယမန်နေ့ နံနက် ၁၁ နာရီမှ ထုတ်ပြန် လိုက်ခြင်း ဖြစ်ပြီး အခြေအနေကို တည်ငြိမ်အောင် ထိန်းသိမ်းရန် အတွက် ဖြစ်သည်ဟု အာဏာ ပိုင်များက ပြောသည်။
ဘင်္ဂလာဒေခ်ျ့ထုတ် သတင်းစာများအရ သိရသည်မှာ သက်အမျိုးသား ကျောင်းသား (၂) ဦးနှင့် ဘင်္ဂလီကျောင်းသားများ ရမ်ဂါမတီ အစိုးရ ကောလိပ်တွင် ခိုက်ရန် ဖြစ်ပွားသည်ဟု သတင်းများ ထွက်ပေါ်လာပြီးနောက် အပြန်အလှန် တိုက်ခိုက်မူများ ပေါ်ပေါက်လာခြင်း ဖြစ်သည်။
ပြင်ပတွင်နေထိုင်သူ တချို့က အုတ်ခဲများ၊ တုတ်များ၊ ဓါးများဖြင့် ကောလိပ်ကျောင်း ရှိ ဒေသခံလူမျိုး စု ကျောင်းသားများကို ၀င်ရောက် တိုက်ခိုက်ရာမှ အဓိဂရုဏ်း စတင် ဖြစ်ပွားသည်ဟု သတင်းစာ က ရေးသည်။
တိုက်ခိုက်မူအတွင်း လူပေါင်း ၂၀ ဒဏ်ရာ ရရှိခဲ့ပြီး တချို့ကို ဆေးရုံတင်ပို့ခဲ့ရသည်ဟု ဆိုသည်။
ဘင်္ဂလာဒေခ်ျ့ စစ်တပ်မှ အခြေအနေကို ၀င်ရောက် ထိန်းသိန်းခဲ့ရပြီး ဈေုးဆိုင်များ၊ ကားများ ဖျက်ဆီးခံခဲ့ရသည်။
အခုအခါ အခြေအနေမှာ တည်ငြိမ်နေပြီး စစ်တပ်၊ ရဲနှင့် နယ်စပ် လုံခြုံရေး တပ်ဖွဲ့ဝင် အများအပြားကို တပ်ဖြန့်ချထားလိုက်ကြောင်း သိရသည်။
ရမ်ဂါမတီကို ရခိုင်အမျိုးသားများက (သက်ထောင်) အဖြစ် သိရှိကြပြီး အဆိုပါ ဒေသတွင် ဌာနေတိုင်းရင်းသား သက်လူမျိုးများနှင့် မြေပြန့်မှ အခြေချနေထိုင်ရန်လာသူ ဘင်္ဂလီလူမျိုးများ အကြား ယခုကဲ့သို့ အဓိဂရုဏ်းများ မကြာခဏ ဖြစ်ပွားလေ့ရှိကြောင်း သိရသည်။
ဘင်္ဂလာဒေခ်ျ့ နိုင်ငံ စစ်တကောင်းတောင်တန်းနယ်တွင် ရမ်ဂါမတီ (သက်ထောင်)၊ ခါကာဆိုရီ ( ဖလံထောင်)နှင့် ဘင်ဒရိုင်ဘင် ( ဗိုလ်မင်းထောင်) ဟု ခရိုင် (၃) ခုရှိပြီး အများစု လူမျိုးများမှာ ဗုဒ္ဓဘာသာဝင်များ ဖြစ်ကြသည်။
( ယနေ့ တွင် ဘင်္ဂလာဒေခ်ျ့ နိုင်ငံတွင် အစ္စလာမ်မစ် အဖွဲ့ ၁၂ ခုက တနိုင်ငံလုံး သပိတ် ခေါ်ထားမူကြောင့် ကား၊ ရထား၊ သဘောင်္များ အသွားအလာများ လုံးဝ ရပ်ဆိုင်းကာ ကျောင်းများ၊ အစိုးရရုံးများ၊ ဈေးဆိုင်များကိုလည်း ပိတ်ထားရသည်။ ယခုကဲ့သို့ တရက်တာ သပိတ် ခေါ်ယူရခြင်းမှာ ယမန်နေ့က မွတ်ဆလင် ဆန့်ကျင်ရေး “ Innocence of Muslim” ဗွီဒီယိုကို ဆန့်ကျင် ဆန္ဒပြသူများကို ဒက္ကားမြို့တော်တွင် ရဲတပ်ဖွဲ့က အင်အားသုံး ဖြိုခွဲမူကြောင့် ဖြစ်သည်ဟု သိရသည်။)